Goleuadau disgo

Cam 1: Gwneud

Beth yw e?

Gwneud eich sioe goleuadau disgo eich hun â'r micro:bit newydd! Mae'r goleuadau LED yn curo mewn amser i gerddoriaeth mae'r meicroffon parod yn ei chanfod. Po uchaf yw'r sain po fwyaf maent yn disgleirio.

Beth fyddwch yn ei ddysgu

• Sut i ddefnyddio synhwyrydd meicroffon parod y micro:bit newydd i fesur pa mor uchel yw'r sain
• Sut i amrywio disgleirdeb allbwn y dangosydd LED mewn ymateb i ddarlleniadau mewnbwn synhwyrydd

Sut mae'n gweithio

• Mae'r meicroffon yn mesur maint y sain mae'n ei godi fel rhifau o 0-255. 0 yw'r sain tawelaf, 255 yw'r uchaf.
• Mae pob un o'r LEDs ar y dangosydd wedi'u troi ymlaen pan fydd y rhaglen yn dechrau.
• Gellir hefyd gosod disgleirdeb yr LEDs gan ddefnyddio rhifau o 0-255. 0 yw'r tywyllaf (i ffwrdd) a 255 yw'r mwyaf disglair.
• Mae dolen yn gosod disgleirdeb LEDs yn gyson i gyd-fynd â maint y sain mae'r synhwyrydd meicroffon yn ei ganfod.
• Po uchaf yw'r sain, y mwyaf disglair mae'n gwneud i'r LEDs ddisgleirio.
• Fflachio'r rhaglen hon ar micro:bit newydd â sain, chwarae ychydig o gerddoriaeth gyda churiad cryf a gwylio'r goleuadau'n curo mewn amser i'r gerddoriaeth!

Beth sydd ei angen arnoch

• micro:bit newydd â sain (neu efelychwr MakeCode)
• Golygydd MakeCode neu Python
• pecyn batri (opsiynol)

Cam 2: Codio

1from microbit import *
2
3lights = Image("11111:"
4              "11111:"
5              "11111:"
6              "11111:"
7              "11111")
8
9while True:
10    display.show(lights * microphone.sound_level())

Cam 3: Gwella

• Addasu'r rhaglen i ddefnyddio eich delweddau neu batrymau eich hun
• Os ydych mewn dosbarth neu grŵp, fflachiwch y rhaglen ar sawl micro:bit, pylu'r goleuadau, chwarae ychydig o gerddoriaeth a chael sioe goleuadau!
• Allwch wneud i'r goleuadau fynd yn dywyllach â seiniau uwch?